काठमाडौं। काठमाडौं महानगरपालिकाले अधिवक्ता ओमप्रकाश अर्याललाई कानुनी सल्लाहकारमा नियुक्त गरेको छ।
काठमाडौं महानगरको आइतबार बसेको कार्यपालिका बैठकले अधिवक्ता ओमप्रकाश अर्याललाई कानुनी सल्लाहकारमा नियुक्त गरेको हो। सुरुमा ६ महिनाको लागि सम्झौता हुने बताइएको छ।
अधिवक्ता अर्यालकै न्यायिक पहलबाट अख्तियार प्रमुखको पदमा नियुक्त लोकमान सिंह कार्की पदमुक्त भएका थिए। अर्याल डा. गोविन्द केसीको सत्याग्रह अभियानका मुख्य सहयोगी हुन्।
