काठमाडौं। राष्ट्रपति विद्यादेवी भण्डारीले नागरिकता विधेयकबारे छलफलाई तीव्रता दिएकी छन्।
उनले यसअअघि संसदका दुबै सदनबाट पारित भएको गएको विधेयकलाई फिर्ता गरेकी थिइन्। उक्त विधेयकलाई प्रतिनिधिसभाले पारित गरिसकेको छ भने राष्ट्रिय सभाले छलफलका लागि समितिमा पठाएको छ।
विधेयक छलफलको लागि समितिमा गएका बेला राष्ट्रपति भण्डारीले छलफललाई तीव्रता दिएकी छन्।
उनले सोमबार दिउँसो नागरिकता विधेयकबारे कांग्रेसका शिर्ष नेताहरूसँग शीतल निवासमा छलफल गरेकी थिइन्।
छलफलका लागि प्रधानमन्त्री तथा कांग्रेस सभापति देउवा, उपसभापति धनराज गुरुङ, सञ्चारमन्त्री ज्ञानेन्द्रबहादुर कार्की र पार्टी महामन्त्री गगन थापा शीतल निवासमा गएका थिए।
त्यसपछि भण्डारीले एमालेका नेतााहरूलाई बोलाएकी छन्। अहिले ५ बजे एमाले नेताहरू शितल निवास पुगेका छन्।
राष्ट्रपति विद्यादेवी भण्डारीले नागरिकता विधेयकलगायत विषयमा विभिन्न पार्टीका नेताहरू तथा संविधानविदलगायतसँग यसअघि पनि कुराकानी गरेकी थिइन्।
