काठमाडौं। घरेलु टोली केन्याले दोस्रो टि–२० खेलमा नेपाललाई १०२ रनको लक्ष्य दिएको छ।
नैरोबीस्थित जिमखान क्लब ग्राउन्डमा टस जितेर पहिला ब्याटिङ गरेको केन्याले निर्धारित २० ओभरमा पुरै विकेट गुमाउँदै १०१ रन बनायो।
केन्याका आठौं नम्बरमा क्रिजमा आएका लुकास ओलुचले सर्वाधिक ३३, ओपनर कोलिन्स ओवियाले २०, सेम नोगचेले १३ रन जोड्दा अरुले दोहोरो अंकमा रन बनाउन सकेनन्।
केन्यालाई सस्तैमा समेट्न नेपालका सन्दीप लामिछानेले ५ विकेट लिए। सन्दीपको यो टी–२० करियरकै उत्कृष्ट बलिङ हो। उनले ४ ओभरमा ९ रन खर्चिएर ५ विकेट लिए।
त्यस्तै, आदिल आलमले २ तथा साहव आलम र दिपेन्द्रसिंह ऐरीले १–१ विकेट लिए।
५ टि२० आईको श्रृखंलामा नेपाल २–१ ले अगाडि रहेको छ। आज विजयी भएमा नेपाल एक खेल अगावै सिरिज जित्नेछ।
नेपाल र केन्याबीच पाँचौ तथा अन्तिम टी–२० बुधबार हुनेछ। यसपछि एक दिवसीय खेल हुनेछ।
