काठमाडौँ । राष्ट्रपति विद्या देवी भण्डारी र नेकपा माओवादी अध्यक्ष पुष्प कमल दाहाल प्रचण्ड सहितका नेताहरूबिच आज भेटवार्ता भएको छ ।
आज उनीहरू राष्ट्रपति भवन शीतल निवासमा पुगेका हुन् । राष्ट्रपति विद्यादेवी भण्डारीले बोलाएपछि माओवादी केन्द्रका अध्यक्ष पुष्पकमल दाहाल ‘प्रचण्ड’सहितका नेताहरू शीतल निवास पुगेका हुन् ।
भेटमा राष्ट्रपतिले नागरिकता विधेयकबारे चासो राखेको बुझिएको छ । अध्यक्ष प्रचण्डले नागरिकता विधेयकलाई अनावश्यक राजनीतिकरण गरिनु दुखद भएको बताए । उनले नागरिकता विधेयकमा कुनै पनि नयाँ व्यवस्था नरहेको बताए। जन्मसिद्ध नागरिकताका सन्ततिहरु राज्यविही बन्ने अवस्था अन्त्य गर्न विधेयक ल्याइएको प्रचण्डको भनाइ थियो।
