काठमाडौं। अष्ट्रेलियाको गृह विभागले अष्ट्रेलियाको भिसाबारे नयाँ जानकारी दिएको छ।
अष्ट्रेलियन भिसासँग सम्बन्धित नेपालका ६ संघसँगको छलफलपछि अष्ट्रेलियाको गृह विभागले अष्ट्रेलियाको भिसाबारे नयाँ जानकारी दिएको हो।
बुधबार नेपालमा अन्तर्राष्ट्रिय शिक्षाका मुद्दाहरूलाई सम्बोधन गर्न अस्ट्रेलियन एजुकेशन एसोसिएसन एलायन्स गठन गर्न एकजुट भएका आईरी नेपाल, एनएएईआर, ई क्यान नेपाल, नेका, आईरिन नेपाल र एफईकोनसँगको अष्ट्रेलियाको गृह विभागले छलफल गरेको थियो।
सो क्रममा अष्ट्रेलियाको गृह विभागले अष्ट्रेलियाको भिसाबारे नयाँ जानकारी दिएको छ।
१. यदि तपाईंलाई भिसा प्रोसेसका अतिरिक्त समय चाहिन्छ भने आफ्नो इममि खाता अनुरोध गर्न सकिनेछ। तर, अतिरिक्त समय किन चाहियो भन्ने कारण खुलाउनुपर्नेछ।
२. भिसा प्रोसेसका लागि पठाएको रकम झिक्न पाइनेछ, त्यसलाई भिसा अस्वीकारको रूपमा गणना गरिने छैन। त्यसैले भविष्यको भिसा आवेदनको लागि यो जानकारी सार्वजनिक गर्न आवश्यक पर्नेछैन।
३. लेखापरीक्षण रिपोर्टः आईटीआरको सट्टा कर चुक्ता पत्र हुनुपर्छ। यदि व्यक्तिसँग व्यवसायको स्वामित्व छ तर गलत लेखा परीक्षकहरू प्रयोग गर्दछ र उत्कृष्ट वित्तीय कागजात छ भने बाँकी कागजातहरू मूल्याङ्कन गरिनेछ। ती पेश गरिएका कागजातहरूको आधारमा भिसा दिने नदिनेबारे निर्णय गरिनेछ।
४. तलबः इन कम ट्याक्स रिटर्न (आईटीआर) तपाईंसँग भएको सबैभन्दा भर्खरको दिनुहोस्। यदि तपाईंले हालको वर्षको लागि आईटीआर प्राप्त गर्नुभएन भने, तपाईंले अघिल्लो वर्षको कर प्रमाणपत्र बुझाउन र प्रदान गर्न सक्नुहुन्छ।
५. नेपाल राष्ट्र बैंकबाट स्वीकृत बैंकहरूमा मात्रै कारोबार गर्नुहोस्। यसले भविष्यमा आफ्नो छोराछोरी अष्ट्रेलिया पठाउन सहज गर्नेछ।
६. कृषि आयः यसको प्रमाण हुनुपर्छ।साथै, त्यसलाई थप पुष्टि गर्ने कागजात प्रदान गर्नुपर्छ। यदि यो कर–फ्रि छ भने त्यस आयलाई पुष्टिगर्ने बैंक स्टेटमेन्ट अनिवार्य चाहिन्छ।
७. भाडा आयः कर तिरेको प्रमाण र बैंकमा पैसा देखाउने बैंक स्टेटमेन्ट हुनुपर्छ। यदि पैसा नगदमा प्राप्त भएको छ भने यो प्रायोजक (स्पोन्सर)को बैंक खातामा लेनदेनको विवरण हुनुपर्दछ।
८. जग्गा बिक्रीः मोठ र श्रेष्ता आवश्यक । गोप्य सरकारी कागजात प्राप्त गर्न गाह्रो हुन सक्ने भएकाले खरिदकर्ताको लालपुर्जा र खरिदकर्ताले तिरेको करको कागजात राख्न सकिन्छ ।
