काठमाडौं। अष्ट्रेलियन भिसासँग सम्बन्धित नेपालका ६ संघहरुको बैठक अहिले बसिरहेको छ।
नेपालमा अन्तर्राष्ट्रिय शिक्षाका मुद्दाहरूलाई सम्बोधन गर्न अष्ट्रेलियन एजुकेशन एसोसिएसन एलायन्स गठन गर्न एकजुट भएका आईरीन नेपाल, एनएएईआर, ई क्यान नेपाल, नेका, आईरिन नेपाल र एफईकोनको बैठक बसिरहेको हो।
आईरीन नेपालको कार्यालयमा बसिरहेको बैठकमा ४० देखि ४५ डिप्लोमा अर्थात व्यावसायिक शिक्षा तथा प्रशिक्षण (भीईटी) कलेजका प्रतिनिधि पनि सहभागी छन्।
बैठकमा अष्ट्रेलियाको भिसाका लागि आवेदन दिएका तर अहिले पैसा निकाल्न चाहने विद्यार्थीको न्यूनतम रकम मात्रै काट्ने, उनीहरुले फेरि अष्ट्रेलियाको भिसाका लागि आवेदन दिन चाहेमा सहयोग गर्नेलगायतका विषयमा छलफल भइरहेको छ।
