काठमाडौं । कलाकार उद्धवराज भट्टराईको निधन भएको छ । उपचारका लागि काठमाडौं ल्याउँदै गर्दा चितवनमा उनको निधन भएको हो ।
भट्टराई पाँच दशकदेखि नेपाली चलचित्र क्षेत्रमा सक्रिय थिए । कलाकारसँगै उनी ड्रेस डिजाइन, कला निर्देशन, र कुसल प्राविधिक रहेको चलचित्र प्राविधिक संघका अध्यक्ष पुष्कर लामाले बताए ।
नेपाल सरकारबाट विभूषित भट्टराईले नेपाल आर्मीको गुर्जु पल्टनमा पुराना कलाकृतिको निर्माणसमेत गर्ने गरेको लामा बताउँछन् । उनको आजै पशुपति आर्यघाटमा अन्तिम संस्कार गरिँदै छ ।
