काठमाडौं। पछिल्लो २४ घण्टामा थप दुई सय जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार कुल तीन हजार ५३७ कोरोना परीक्षण गर्दा दुई सय जनामा सङ्क्रमण पुष्टि भएको हो।
एक हजार ३८१ जनाको पीसीआर परीक्षण गर्दा ९२ र दुई हजार १५६ एन्टिजेन परीक्षण गर्दा १०८ जनामा कोरोना सङ्क्रमण देखिएको मन्त्रालयले जनाएको छ।
स्वास्थ्य मन्त्रालयका अनुसार पछिल्लो २४ घण्टामा ३३९ जना सङ्क्रमणमुक्त भएका छन् भने दुई जना सङ्क्रमितको मृत्यु भएको छ।
त्यस्तै, हाल मुलुकमा दुई हजार ६४२ जना सक्रिय सङ्क्रमित रहेका छन्।
