दमक। नेकपा (एमाले) का अध्यक्ष एवम् पुर्व प्रधानमन्त्री केपी शर्मा ओलीले मंसिर ४ मा हुने निर्वाचनमा युवाहरुलाई दर्शकको रुपमा नभइ बुथको रक्षकको भूमिका खेल्न आग्रह गरेका छन्।
जनताको मताधिकारको सुरक्षासहित सहज रुपमा मतदान गर्ने अवस्था सिर्जना गर्न हरेक बुथहरुमा रक्षकको भूमिका निर्वाह गर्ने तवरले तयारी रहन उनले निर्देशन दिए।
गृह जिल्ला झापामा दूई दिनदेखि बिभिन्न कार्यक्रममा सहभागी रहेका ओलीले राष्ट्रिय युवा संघ नेपाल कमल गाउँ कमिटीले आयोजना गरेको युवा भेलालाई सम्बोधन गर्दै सो आग्रह गरे।
जनताको मताधिकारको सुरक्षा गर्ने दायित्व युवाहरुको काँधमा रहेको भन्दै निर्वाचनमा दर्शकको भुमिका निर्वाह नगर्न आग्रह गरे।
‘एमालेले मंसिर ४ को निर्वाचन हार्दा देशले हार्छ’ अध्यक्ष ओलीले भने, “जसरी पनि जित्ने तयारी गर्नुस्, एमालेलाई यो चुनाव हार्ने छुट छै ।” सत्ताको दुरुपयोग र धाँधली हुनसक्ने आशंका व्यक्त गर्दै अध्यक्ष ओलीले चनाखो रहन कार्यकर्तालाई निर्देशन दिए।
आफ्नो मतधिकारको सुरक्षा गर्दै सबै मतदाताको मतदानको अधिकार सुनिश्चित गर्दै शान्तिपुर्ण रुपमा जनताले मतदान गर्ने अवस्था सिर्जना गर्न आग्रह गरे।
