धनगढी। नेकपा माओवादी केन्द्रका अध्यक्ष पुष्पकमल दाहाल प्रचण्डले सत्ता गठबन्धनमा सिट बाँडफाँट बुधबारसम्म टुंगो लाग्ने बताएका छन्।
धनगढी विमानस्थलमा पत्रकारहरुसँग कुरा गर्दै प्रचण्डले बुधबार सम्ममा सिट बाँटफाँट टुंगो लगाउने गरी छलफल भइरहेको बताए।
उनले कांग्रेसले ८० र माओवादीले ६० सिट पाउने दाबी गरे। एनले भने, ‘कांग्रेसका नेताहरुले सुरुमा सय भन्नुभएको थियो, तपाईंले सुन्नु भएको थियो तर पछि ८० को वरिपरि आउने सम्भावना बढ्दो छ। हामीले भनेको त ६० हो, ६० बाट केही तलमाथि होला, तर त्यसकै वरिपरि हुन्छ भन्ने विश्वास छ।’
सम्बन्धित समाचारः सिट बाँडफाँट कार्यदलको बैठक बस्दै, आज लाग्ला त टुंगो ?
एकीकृत समाजवादीले २५ र जनता समाजवादीले २५ सिट मागिरहेकोले यी सबै विषयमा बुधबार शीर्ष नेताहरू बसेर टुंग्याउने उनले बताए।
उनले सिट संख्या, क्षेत्र र प्रदेश एकै चोटी टुंग्याउने प्रयास भइरहेको बताए।
आफ्नो नाम विभिन्न क्षेत्रबाट सिफारिस भए पनि चितवन क्षेत्र नम्बर ३ बाटै उठ्ने उनले बताए।
