कैलाली। घोडाघोडी नगरपालिका–१ सुखडकी एक १५ वर्षीया बालिकामाथि सामूहिक बलात्कार भएको छ।
भदौ २१ गते मंगलबार राति ४ जनाले ती बालिकालाई सामूहिक बलात्कार गरेको प्रहरीले जनाएको छ।
प्रहरीले सामूहिक बलात्कारमा संलग्न भएको आरोपमा ३ जनालाई पक्राउ गरिसकेको र फरार एकजनाको खोजी भइरहेको जनाएको छ।
ती बालिका भदौ २१ गते घोडाघोडी नगरपालिकामा गौराको दिन डेउडा हेर्न गएकी थिइन्।
काम छ भन्दै एकान्तमा बोलाई उनीमाथि सामूहिक बलात्कार भएको इलाका प्रहरी कार्यालय सुखडका प्रहरी नायब उपरीक्षक लक्ष्मण शाहीले बताए।
