कल्याणपुर। पूर्व–पश्चिम लोकमार्ग अन्तर्गत सप्तरीको शम्भुनाथ नगरपालिका–५ स्थित सोमबार मोटरसाइकल अनियन्त्रित भई दुर्घटना हुँदा एक जना महिलाको मृत्यु भएको छ।
पूर्व–पश्चिम लोकमार्गमा पश्चिमबाट पूर्वतर्फ जाँदै गरेको प्रदेश २–०१–००२ प ३९९३ नम्बरको मोटरसाइकलले कुकुरलाई बचाउने क्रममा आफैँ अनियन्त्रित भई दुर्घटना भएको हो।
दुर्घटनामा मोटरसाइकल चालक जिल्ला सप्तरी बोदेबर्साइन नगरपालिका–२ का मोहनकुमार यादवलाई केही नभएको र पछाडि सवार यादवको ४५ वर्षीय अञ्जनादेवी यादवको युनिक अस्पताल रुपनीमा उपचारको क्रममा मृत्यु भएको प्रहरीले जनाएको छ।
