काठमाडौं। नेकपा एमालेका अध्यक्ष केपी शर्मा ओलीले संसद् विघटन गनु प्रतिगमन नभएको बताएका छन्।
संसदको अन्तिम बैठकलाई सम्बोधन गर्दै ओलीले निर्वाचनमा जानका लागि संसद् विघटन गनु प्रतिगमन नहुने दाबी गरे।
उनले ताजा जनादेशमा जानुको विकल्पमा नभएका कारण आफूले २ पटक संसद विघटन गरेको बताए।
परमादेशबाट सरकार गठन गर्नु प्रतिगमन भएको उनको जिकिर छ।
उनले आफ्नो कार्यकालमा संसदले राम्रो काम गरेको बताए। उनले संसदको कार्यकाल सफल भएको दाबी गरे।
संविधान कार्यान्वयनका लागि धेरै कानून संशोधन र निर्माण गरिएको उनले जानकारी दिए।
आजको संसद बैठक नै यो कार्यकालको अन्तिम बैठकहो। आज राति १२ बजेदेखि संसद अधिवेशन अन्त्य हुँदैछ।
सत्तापक्षले नागरिकता विधेयकमा राजनीति गरेको आरोप ओलीले लगाए। उनले भने, ‘नागरिकता विधेयकमा जन्मसिद्ध नागरिकका सन्तानलाई नागरिकता दिइने भनेर संशोधन ल्याएको एमाले पास गर्न तयार थियो।’
उनले चुनाव निष्पक्ष गर्न निर्वाचन आयोगलाई आग्रह गरे।
सम्बन्धित समाचारः
मेरो कार्यकायमा संसदले राम्रै उपलब्धि हासिल गर्योः प्रधानमन्त्री देउवा
