काठमाडौं। नेपाल प्रहरीका पूर्व प्रहरी महानिरीक्षक (आईजीपी) सर्वेन्द्र खनाल एमाले प्रवेश भएका छन्।
खनाललाई एमाले अध्यक्ष केपी शर्मा ओलीले बिहीबार पार्टी कार्यालय च्यासलमा आयोजित कार्यक्रममा एमालेमा स्वागत गरे।
खनाललाई अध्यक्ष ओलीले पार्टीमा महत्वपूर्ण जिम्मेवारी दिने समेत बताएका छन्। बारा, पर्सा र काठमाडौंमध्ये कुनै एक ठाउँबाट खनाललाई उम्मेदवार बनाउन एमालेको तयारी छ।
पार्टी प्रवेशपछि बोल्दै खनालले एमालेको सदस्यता लिन पाउँदा खुसी लागेको बताए।
त्यस्तै, युवा राजनीतिकर्मी अब्दुस मिया पनि एमाले प्रवेश गरेका छन्। मियाले प्रतिनिधिसभा चुनावका लागि स्वतन्त्रबाट काठमाडौं–६ मा उम्मेदवारी घोषणा गरेका थिए।
विगत ५ वर्ष वैकल्पिक राजनीतिक शक्ति निर्माणमा लागेको उनी आइटी कम्पनी र युवाहरुमाझ नेतृत्व क्षमता विकास गर्ने लिडरसिप कर्नरका संस्थापक तथा प्रमुख कार्यकारी, मोटिभेटर तथा कान्छा राजनीतिकर्मी भनेर युवामाझ निकै लोकप्रिय छन्।
