सल्यान । सल्यानमा जीप दुर्घटना हुँदा ८ जनाको मुत्यु भएको छ। रा १ ज ५६३ नम्बर जीप बुधबार बिहान ३:३० बजे कपुरकोट गाउँपालिका-६ रिम जलवाङगमा दुर्घटनामा परेको भएको सल्यानका प्रमुख जिल्ला अधिकारी विपिन आचार्यले जानकारी दिए।
दुर्घटनामा परी मुत्यु हुनेमा अधिकांश कपुरकोट–६ का व्यक्ति रहेका प्रहरीले बताएको। यद्यपि, उनीहरूको सनाखत हुन बाँकी छ। एकजना घाइतेको उद्धार गरि उपचारका लागि पठाइएको छ।
घटनास्थलमा प्रहरीसहित जनप्रतिनिधि, स्वास्थ्यकर्मी, स्थानीयवासिन्दा उद्धारमा खटिएका छन्। बाँकेको ढकेरीबाट बिहेबाट फर्कँदै गरेका व्यक्तिहरु दुर्घटनामा परेको बुझिएको छ।
