काठमाडौँ । १७ वर्षीय नाबालिगमाथि बलात्कार गरेको आरोप लागेका निलम्बित क्रिकेटर सन्दीप लामिछाने असोज २० (अक्टोबर ६) मा नेपाल आउने भएका छन् । आज उनले सामाजिक सञ्जाल मार्फत सो कुराको जानकारी दिएका हुन् ।
भदौ ६ गते उनी टी-२० खेल खेल्न केन्या गएका थिए। उनी त्यहीँबाट क्यारेबियन प्रिमियर लिग (सिपिएल)खेल्न वेष्ट इन्डिज गएका थिए।
उक्त लिग भइरहँदा काठमाडौँको प्रहरी वृत्त गौशालामा भदौ २१ गते उनीविरूद्ध जाहेरी परेको थियो। यस्तै जहाजबाट नेपाल फर्किने बित्तिकै पक्राउ गर्न भनेर अध्यागमनको कालोसूचीमा पनि राखेको छ। भदौ ५ गते काठमाडौँको एक होटेलमा नाबालिगलाई पटक-पटक बलात्कार गरेको आरोप उनीमाथि छ।
