काठमाडौं । गायक प्रमोद पाण्डेको निधन भएको छ । मस्तिष्क क्यान्सरबाट पीडित पाण्डेको उपचारका क्रममा निधन भएको हो ।
विसं. २०२० माघ १० गते काठमाडौंको भुरुङखेलमा जन्मिएका पाण्डेका थुप्रै गीत लोकप्रिय छन् । गायक पाण्डेले २०३९ सालदेखि रेडियो नेपालमा गीत गाउन सुरु गरेका थिए ।
उनका धेरै आधुनिक गीत, युगलगीत र भजनहरु रेकर्ड भएका गायक सूर्य थुलुङले जानकारी दिएका छन् । ‘जिन्दगीले कहाँ ल्याई पुर्यायो’, कुन्ति मोक्तानसँग युगल गीत ‘आँखामै राखेर’, प्रेम खड्कासँग गाएको ‘डालीमा डाली नाचेर हिँड्ने’ बोलको गीत लोकप्रिय छन् ।
