काठमाडौं। चितवन–३ मा एमालेले कांग्रेसका बागी उम्मेदवारलाई समर्थन गरेको छ।
त्यहाँ उम्मेदवारी दिएका एमाले चितवनका अध्यक्ष रामप्रसाद न्यौपानेले उम्मेदवारी फिर्ता लिँदै कांग्रेसका बागी दिनेश कोइरालालाई समर्थन गरेका छन्।
पार्टी अध्यक्ष केपी शर्मा ओलीको पत्रपछि न्यौपानेले उम्मेदवारी फिर्ता लिँदै कांग्रेसका कांग्रेसका केन्द्रीय सदस्य समेत रहेका बागी उम्मेदवार दिनेश कोइरालालाई समर्थन गरेको बुझिएको छ।
कोइरालाले एमाले अध्यक्ष ओलीलाई भेटेर आफू चुनाव जितेपछि एमाले प्रवेश गर्ने प्रतिवद्धता जनाएको स्रोतको दाबी छ।
माओवादी केन्द्रका अध्यक्ष प्रचण्डले चितवन–३ छोडेपछि सत्ता गठबन्धनले नेकपा माओवादी केन्द्रका डा. भोजराज अधिकारीलाई उम्मेदवार बनाएको छ।
