काठमाडौं। बागी उम्मेदवारी निष्क्रिय गरे कारवाही फुकुवा गर्ने नेपाली कांग्रेसले जनाएको छ।
बागी उम्मेदवारले असोज ३१ गतेभित्र आफ्नो उम्मेदवारी निष्क्रिय गराएमा आवश्यक प्रक्रिया पुर्याई कारवाही फुकुवा गर्ने कांग्रेसले बिहीबार एक विज्ञप्ति जारी गर्दै जानकारी दिएको छ।
कांग्रसले कांग्रेसका र गठबन्धनकन उम्मेदवारविरुद्ध विद्रोही उम्मेदवारी दिएका उम्मेदवार तथा तिनका प्रस्तावक र समर्थकलाई सदस्यता समेत नरहने गरी ५ वर्षका लागि निष्काशन गरिसकेको छ।
मुख्य सचिव कृष्णप्रसाद पौडेलले विज्ञप्ति जारी गर्दै भनेका छन्, ‘बागी उम्मेदवारले पार्टीका आधिकारिक र गठबन्धनका आधिकारिक उम्मेदवारलाई विजयी बनाउन पूर्ण रुपमा सक्रिय रहने प्रतिवद्धतासहित असोज ३१ गतेभित्र सार्वजनिक रुपमा वक्तव्य प्रकाशित गरी आफ्नो उम्मेदवारी निष्क्रिय गराएमा त्यस्ता विद्रोही उम्मेदवार तथा तिनका प्रस्तावक र समर्थक उपरको कारवाही पार्टी केन्द्रले आवश्यक प्रक्रिया पुर्याई फुकुवा गर्ने व्यहोरा सम्बन्धित सबैलाई निर्देशानुसार जानकारी गराइन्छ।’
