कपिलवस्तु। कपिलवस्तुमा बसको ठक्करबाट एक जनाको मृत्यु भएको छ।
जिल्लाको वाणगंगा नगरपालिका–८ भोटेपथ बिहीबार भएको दुर्घटनामा ३२ वर्षीय मोटरसाइकल चालक सुमन थारुको मृत्यु भएको जिल्ला ट्राफिक प्रहरी कार्यालय कपिलवस्तुले जनाएको छ।
रुपन्देहीको ओमसतिया गाउँपालिका घर भएको थारुको भैरहवास्थित सिटी अस्पतालमा मृत्यु भएको ट्राफिक प्रहरी वरिष्ठ नायब निरीक्षक नारद कार्कीले बताए।
दाङ तुलसीपुरदेखि पोखरा जाँदै गरेको ना ७ ख ७३५१ नम्बरको बसले विपरीत दिशाबाट आइरहेको लु२०प ५४९४ नम्बरको मोटरसाइकल एक आपसमा ठोकिँदा दुर्घटना भएको हो।
ट्राफिक प्रहरी वरिष्ठ नायब निरीक्षक कार्कीका अनुसार घटनामा परी घाइते भएको मोटरसाइकलमा सवार ३८ वर्षीय भवनाथ कुँवरको भैरहवामा उपचार भइरहेको छ।
