काठमाडौं। नेकपा एमाले अध्यक्ष केपी ओलीले सर्वसाधारणलाई फोन गरेर ४ घण्टा कुरा गरेका छन्।
उनले शुक्रबार फोन गरेर सर्वसाधारणसँग ४ घण्टा कुरा गरेका हुन्। त्यसले आफूलाई उत्साहित बनाएको ओलीले बताएका छन्।
उनीसँग कुरा गर्न २ लाख ९ हजार ११६ जनाले नाम र नम्बर टिपाएका थिए। धेरैले नाम र नम्बर टिपाएका कारण सबैसँग कुरा गर्न नपाएको र क्रमैसँग कुरा गर्दै जाने ओलीले बताएका छन्।
सर्वसाधारणसँग प्रत्यक्ष जोडिन ओलीले फेसबुकमार्फत नाम र नम्बर टिपाउन सार्वजनिक रूपमा आव्हान गरेका थिए । उनले आसन्न निर्वाचनको सन्दर्भमा सर्वसाधारणसँग सुझाव लिएका छन् ।
ओलीसँग कुरा गर्न इच्छुकले मंगलबार साँझदेखि बिहीबार मध्यान्हसम्म नाम र नम्बर टिपाएका थिए।
कुराकानीका विषय फेसबुक पेजमा राखिने बताइएको छ।
