खोटाङ। काकाको हत्या आरोपमा एकजना पक्राउ परेका छन्।
पक्राउ पर्नेमा दिक्तेल रुपाकोट मझुवागढी नगरपालिका–१३ हाबुभञ्ज्याङ बस्ने ४२ वर्षीय पत्थरमान राई रहेका छन्।
आफ्नै काका ५९ वर्षीय मान बहादुर राईलाई धारिलो हतियार खुकुरी प्रहार गरी हत्या गरेको अभियोगमा शनिबार दिउँसो पत्थरमानलाई पक्राउ गरेको हो।
आपसी वादविवादको क्रममा मादक पदार्थ सेवन गरेका पत्थरमानले खुकुरी प्रहार गर्दा मान बहादुरको घटनास्थलमै मृत्यु भएकोथियो।
प्रहरी चौकी नुनथलाले घटनाबारे थप अनुसन्धान गरिरहेको जानकारी दिएको छ।
