कालिकोट। कालिकोटमा जीप दुर्घटना हुँदा ३ जनाको मृत्यु भएको छ।
मुगुबाट सुर्खेतका लागि छुटेको भे १ च ४४१२ नम्बरको जीप कालिकोटको तिलागुफा नगरपालिका–५ खल्लागाडमा दुर्घटना हुँदा ३ जनाको मृत्यु भएको छ।
दुर्घटनामा मृत्यु हुनेमा गमगढीका वर्ष २१ का अकल विक, वर्ष २५ का सुदर्शन सेजुवाल र वर्ष २१ का रमेश बुढा रहेका छन्।
जीप दुर्घटनामा एक जनाको घटनास्थलमै र दुई जनाको उपचारका क्रममा कर्णाली स्वास्थ्य विज्ञान प्रतिष्ठानमा मृत्यु भएको प्रहरीले जनाएको छ।
दुर्घटनामा घाइते सात जनाको कर्णाली स्वास्थ्य विज्ञान प्रतिष्ठानमा उपचार भइरहेको छ।
