काठमाडौं। माओवादी केन्द्रका अध्यक्ष प्रचण्ड सहभागी हुने सत्ता गठबन्धनको चुनावी सभामा बम विस्फोट भएको छ।
प्रचण्ड सहभागी हुने गठबन्धनको सभा भोजपुरको पौवादुङ्मा गाउँपालिकास्थित तिवारीभञ्ज्याङमा चलिरहेको बेला बम विस्फोट भएको डीएसपी सरोज घिमिरेले जानकारी दिए।
गठबन्धनले सभा गरेको ठाउँ भन्दा २०० मिटर टाढा एउटा होटलको अगाडि विस्फोट भएको हो।
बम विस्फोट हुँदा त्यहाँ प्रचण्ड पुगिसकेका छैनन्। मोरङ, खोटाङलगायत ठाउँमा चुनावी सभा सकेर प्रचण्ड त्यहाँ जाने कार्यक्रम छ।
बम विस्फोटपछि सभामा सुरक्षा निगरानी बढाइएको र घटनाबारे अनुसन्धान भइरहेको प्रहरीले जनाएको छ।
