बारा। बलात्कार तथा गर्भपतन मुद्दामा फरार एकजना पक्राउ परेका छन्।
पक्राउ पर्नेमा प्रसौनी गाउँपालिका–५ बेलहिया टोल बस्ने २५ वर्षीय श्याम सुन्दर साह तेली रहेका छन्।
श्यामले १७ वर्षीया बालिकालाई ललाई फकाई पटक÷पटक बलात्कार गर्नुका साथै पीडितको जबरजस्ती गर्भपतन समेत गराएको प्रहरीले जनाएको छ।
वारदात पश्चात फरार रहेका उनलाई जिल्ला प्रहरी कार्यालय बाराबाट खटिएको प्रहरीले प्रसौनी गाउँपालिका–५ बेलहिया टोलस्थित लुकिछिपि बसेको अवस्थामा फेला पारी पक्राउ गरेको हो।
उनीविरुद्ध जबरजस्ती करणी तथा गर्भपतन मुद्दामा जिल्ला अदालत बाराबाट ४ दिनको म्याद अनुमति लिई प्रहरीले थप अनुसन्धान गरिरहेको छ।
