ढल्केवर। धनुषामा एक महिलाको हत्या भएको छ। जिल्लाको बटेश्वर गाउँपालिका–५, शान्तिपुरमा २७ वर्षीया रितादेवी यादवको हत्या भएको प्रहरीले जानकारी दिएको छ।
घरमा सुतिरहेको अवस्थामा आइतबार राती ११ बजे धारिलो हतियार प्रहार गरी रितादेवीको हत्या भएको इलाका प्रहरी कार्यालय महेन्द्रनगरका प्रहरी निरीक्षक बेचन यादवले बताए।
धारिलो हतियार प्रहारबाट गम्भीर घाइते रितादेवीको उपचारको क्रममा जनकपुरस्थित काव्य अस्पतालमा मृत्यु भएको हो।
हत्या सम्बन्धमा अनुसन्धान भइरहेको प्रहरीले जानकारी दिएको छ।
