काठमाडौं। प्रधानमन्त्री पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ।
उनीहरुबीच बुधबार दिउँसो प्रधानमन्त्री तथा मन्त्रिपरिषदको कार्यालय सिंहदरबारमा भेटवार्ता भएको हो।
उनीहरूबीच नेकपा एस सरकारमा सहभागी हुनेलगायत समसामयिक राजनीतिक घटनाक्रमका विषयमा छलफल भएको छ।
भेटमा प्रचण्डले एसलाई सरकारमा सहभागी भएर पुस २६ गते विश्वासको मत दिन आग्रह गरेका छन्।
जवाफमा नेपालले यसबारे उपयुक्त समयमा निर्णय लिने बताएका छन्।
