काठमाडौं। हिमालय टेलिभिजनबाट प्रसारण हुँदै आएको हास्यश्रृंखला ‘सक्किगोनि’को प्रसारण रोकिएको छ।
सिरियलको १०० औं भाग प्रसारण भएपछि ‘सक्किगोनि’को प्रसारण रोकिएको हो।
उत्पादक संस्था जेपीटी क्रिएसनका अध्यक्ष तथा कलाकार अर्जुन घिमिरे पाँडेले टेलिभिजनले नै कार्यक्रमलाई निरन्तरता नदिने भनेपछि तत्काल सिरियलको प्रसारण रोकिएको जानकारी दिए।
उनले छलफलपछि कसरी निरन्तरता दिने भनेर निष्कर्षमा पुगेर केही सातापछि पुनः दर्शकमाझ आउने योजना रहेको बताए।
सक्किगोनिले बिहीवार पुरानो भागको केही दृश्य युट्युवमा राखेको थियो।
२०७७ मंसिर १७ गतेदेखि प्रसारण हुँदै आएको सक्किगोनीले गत साता सोलुखुम्बुको पतालेमा पुगेर १०० औं भागको खुसी साटेको थियो।
