काठमाडौँ । नेपाल शैक्षिक परामर्श सङ्घ (इक्यान) को आज १७ औँ साधारण सभा हुँदैछ । काठमाडौँको सोल्टी होटेलमा सङ्घको १७ औँ साधारण सभा हुन लागेको इक्यानका उपाध्यक्ष शेषराज भट्टराईले जानकारी दिए ।
उनका अनुसार बिहान ११ बजे साधारण सभाको उद्घाटन गरिनेछ । साधारण सभामा खुला र बन्द सत्र हुनेछ । सो साधारण सभाको प्रमुख अतिथिमा मन्त्री दामोदर भण्डारीको सहभागिता रहनेछ ।
यसै गरी बन्द सत्रमा महा सचिव र कोषाध्यक्षको प्रतिवेदन पास गर्ने कार्यक्रम रहेको उपाध्यक्ष भट्टराईले जानकारी दिए ।
