काठमाडौँ । नेपाल शैक्षिक परामर्श सङ्घ (इक्यान) ले आज (शनिवार) १५औँ वार्षिक पिकनिकको कार्यक्रमको आयोजना गर्ने भएको छ ।
आज चन्द्रागिरि हिलमा सो कार्यक्रमको आयोजना गर्न लागेको इक्यानका उपाध्यक्ष शेषराज भट्टराईले जानकारी दिए ।
इक्यानका पूर्व अध्यक्ष विष्णुहरि पाण्डेले इक्यानलाई अझै मजबुत गर्दै लैजाने,इक्यानको हकहितकालागि दृढ सङ्कल्प सहित पहिलो नम्बरको संस्था बनाउने बताए ।
यस्तै उनले अबको नेतृत्वले इक्यानको हकहितका लागि सरोकारवालासँग सम्पर्क गरेर कुनै पनि किसिमको कुनै पनि निकायलाई दुख पर्दा इक्यानले सहयोगको साथ दिने बताए । इक्यानको नयाँ नेतृत्व चयनका लागि फागुनको तेस्रो हप्तामा चुनाव हुन सक्ने सम्भावना छ ।
आज हुने १५औँ वार्षिक पिकनिकको कार्यक्रममा नेपाली कमेडियन मनोज गजुरेलले विशेष प्रस्तुति दिनेछन् ।
