काठमाडौँ । नेकपा माओवादी केन्द्रले जनयुद्ध दिवस मनाएको छ । यस अवसरमा आज सरकारले सार्वजनिक बिदा दिएको छ ।
संविधानसभाबाट संविधान बनाउनुपर्ने, राजतन्त्रको अन्त्य र जनवादी व्यवस्थाको स्थापना गर्ने भन्दै रोल्पा, सिन्धुली र गोरखाका प्रहरी चौकीमा आक्रमण गरेर तत्कालीन विद्रोही माओवादीले १ फागुन २०५२ मा सशस्त्र विद्रोहको सुरुवात गरेको थियो ।
सशस्त्र विद्रोह सुरु भएको दिनलाई माओवादीहरूले जनयुद्ध दिवसका रूपमा मनाउँदै आएका छन् । यसअवसरमा आज पेरिसडाँडास्थित माओवादी केन्द्रको कार्यालयमा पनि विशेष कार्यक्रमको आयोजना गरिएको छ ।
