दार्चुला। बलात्कार गरेको आरोपमा एक जनालाई प्रहरीले पक्राउ गरेको छ।
४५ वर्षीया महिलालाई बलात्कार गरेको अभियोगमा लेकम गाउँपालिका–४ का २७ वर्षीय प्रेम पार्कीलाई प्रहरीले पक्राउ गरेको हो।
जिल्लाको झलाती घर भई हाल शैल्यशिखर नगरपालिका–९ पथ्थरयानीस्थित ससुराली घरमा बस्दै आएका पार्कीलाई मंगलबार राति प्रहरीले पक्राउ गरेको हो।
पार्कीले महिलालाई बलात्कार गरेको भन्ने उजुरीको आधारमा ईलाका प्रहरी कार्यालय गोकुलेश्वरबाट खटिएको प्रहरी टोलीले उनलाई पक्राउ गरेको थियो।
यस विषयमा थप अनुसन्धान भइरहेको प्रहरीले जनाएको छ।
