धनगढी। नागरिक बचाऔँ अभियान सुरु गरेका व्यवसायी तथा अभियन्ता दुर्गा प्रसाईँले एमाले अध्यक्ष केपी शर्मा ओलीलाई कारबाही हुनुपर्ने बताएका छन्।
नागरिक बचाऔँ अभियानले आज धनगढीमा आयोजना गरेको कार्यक्रममा प्रसाईँले एमाले अध्यक्ष ओलीलाई कारबाही हुनुपर्ने बताएका हुन्।
प्रसाईँ एमाले केन्द्रीय सदस्य थिए। तर, उनले नागरिक बचाऔँ अभियान सुरु गरेपछि एमालेले कारवाही गर्ने तयारी गरेको छ।
उक्त प्रसंग उल्लेख गर्दै प्रसाईँ धनगढीमा भने, ‘केपी हजुरबुबाले मलाई पानसमा पूर्व राजाबाट दियो बालेकै कारण कारबाही गर्नुपर्ने, उहाँले त राजावादीसँग गठबन्धन गरेर सरकार चलाइ राख्नुभएको छ। उहाँलाई कारबाही हुनुपर्ने होइन र?’
एमालेले कारवाही गनुअघि नै पार्टीबाट निस्केको उनले बताए।
प्रसाईँले आफ्नो महाअभियानलाई साथ दिन अपील गरे।
