काठमाडौँ । लोकप्रिय टेलिभिजन हास्यश्रृंखला ‘सक्किगो नि’ तेस्रो सिजनको प्रसारण मिति घोषणा भएको छ ।
निर्माता जेपीटी क्रिएसनले टिजर सार्वजनिक गर्दै कार्यक्रमलाई आगामी जेठ ११ गतेदेखि प्रसारण गर्ने जनाएको हो । कमेडी जनराको सिरियल भए पनि टिजर चाहिं गम्भीर र मर्मस्पर्शी छ ।
परिवार सुख र धन कमाउने सपनासहित कतार उड्न लागेको एक पात्रलाई चित्रण गरिएको टिजर गम्भीर लाग्छ । कुमार कट्टेल र अर्जुन घिमिरेले निर्देशन गर्ने यो सिरियलको तेस्रो सिजनलाई पनि १०० भागकै हाराहारीमा निर्माणको तयारी छ । हिमालय टिभी एचडीमा यो सिरियल बिहीबार बेलुका ८ बजे प्रसारण हुनेछ ।
