कञ्चनपुर । कञ्चनपुरको पुनर्वासमा प्याब्सनको चौँथो नगर स्तरीय एवम् एघारौँ प्याब्सन फेस्टिवल सुरु भएको छ । निजी तथा आवासीय विद्यालय अर्गनाइजेसन नेपाल (प्याब्सन) पुनर्वासको चौथो नगर स्तरीय एवम् एघारौँ प्याब्सन फेस्टिवल सुरु भएको छ ।
बुधवारदेखि कञ्चनपुरको पुनर्वास नगरपालिका ११ को राष्ट्रिय माविको खेल मैदानमा चौथो नगर स्तरीय एवम् एघारौँ प्याब्सन फेस्टिवल सुरु भएको हो ।
प्याब्सन नगर अध्यक्ष बालकृष्ण ढकालको सभापतित्वमा सुरु भएको कार्यक्रमको प्रमुख अतिथि प्याब्सनका केन्द्रीय उपाध्यक्ष सुरेन्द्र ओझा रहेका थिए । कार्यक्रमको पहिलो दिन आज पेनाल्टी सुट आउट प्रतियोगिता भएको खेल संयोजक सुरेश अधिकारीले बताए ।
उनका अनुसार पेनाल्टी सुट आउट प्रतियोगितामा कञ्चन पब्लिक स्कुल र युग ज्योति स्कुल फाइनलमा पुगेको र फाइनल खेल समापनमा हुने जानकारी दिए ।
पुनर्वास नगरपालिका भित्रका २१ वटा निजी विद्यालयहरूको सहभागिता रहेको प्रतियोगिता माघ २७ गतेसम्म सञ्चालन हुनेछ । प्रतियोगितामा भोलि देखि दौड,भलिबल,डोरी तान्ने खेल,रिले रेस,लमजङ तहगत हुने प्याब्सन लेखा समितिका सदस्य दीर्घ राज ओझाले जानकारी दिए ।
