कञ्चनपुर । कञ्चनपुरको पुनर्वास नगरपालिका वडा नम्बर ११ मा रहेको कञ्चन पब्लिक स्कुलले आयोजना गरेको सातौँ अन्तर विद्यालय स्तरीय नृत्य प्रतियोगिताको उपाधि पपुलर बोर्डिङ स्कुल प्रथम भएको छ ।
बिहीबार सरस्वती पूजा तथा वसन्त पञ्चमीको अवसरमा आयोजित अन्तर विद्यालय स्तरीय नृत्य प्रतियोगितामामा पपुलर प्रथम हुन सफल भएको हो ।
यस्तै प्रतियोगितामामा द्वितीय गौरी शङ्कर मावि पुनर्वास ५ भएको छ भने तृतीय आयोजक कञ्चन पब्लिक स्कुल भएको छ । प्रतियोगिताका प्रथम, द्वितीय र तृतीयलाई क्रमशः १२ हजार २ सय ५० ,६ हजार २ सय ५०, ३ हजार २ सय ५० नगद सहित ट्रफी प्रमाण पत्र समेत प्रदान गरिएको थियो।
प्रतियोगितामामा पुनर्वास नगरपालिकाका १६ संस्थागत तथा निजी विद्यालयको सहभागिता रहेको आयोजक कञ्चन पब्लिक स्कुलका प्रधानाध्यापक सुरेश अधिकारीले जानकारी दिए ।
