काठमाडौँ - सहकारी प्रकरणमा छानबिन गर्न समिति बन्ने भएको छ । सत्तापक्ष र प्रतिपक्षका नेताहरुको प्रधानमन्त्री निवास बालुवाटारमा बसेको बैठकले समिति बनाउने सहमति गरेका हुन् ।
समितिको कार्यादेश बनाउन कानूनमन्त्री पदम गिरीको संयोजकत्वमा कार्यदल गठन गर्ने सहमति नेताहरुबीच भएको भएको छ । कार्यदलमा एमालेका महेश बर्तौला, कांग्रेसका जीवन परियार र रास्वपाका शिशिर खनाल रहनेछन् ।
शनिबार बालुवाटारमा प्रधानमन्त्री पुष्पकमल दाहाल प्रचण्ड, एमालेका अध्यक्ष केपी शर्मा ओली र उपप्रधान तथा गृहमन्त्री रवि लामिछाने, कांग्रेस सभापति शेरबहादुर देउवा, महामन्त्री गगन थापा, कृष्णप्रसाद सिटौला र रमेश लेखक लगायत शिर्ष नेताहरुबीच बालुवाटारमा छलफल भएको थियो ।
