काठमाडौँ - प्रधानमन्त्री पुष्पकमल दाहाल प्रचण्डले चौथो पटक विश्वासको मत प्राप्त गरेका छन् । दाहालले सोमबार प्रतिनिधिसभामा चौथोपटक विश्वासको मत मागेका थिए । प्रधानमन्त्रीकाे पक्षमा १५७ मत र विपक्षमा शुन्य परेकाे हाे । त्यस्तै दिन्न भन्नेमा १ मत परेकाे छ ।
प्रधानमन्त्री पुष्पकमल दाहाल प्रचण्डले विपक्षी दलहरुको अवरोधकै बिच विश्वासको मत मागेका थिए । कांग्रेस सहित विपक्षी दलहरुको अवरोधका कारण संसद बैठक १५ मिनेटका लागि स्थगित भएको थियो । १५ मिनेटपछि पुन सुरु भएको बैठकमा सभामुख देवराज घिमिरेले प्रधानमन्त्रीलाई विश्वासको मत माग्ने वत्तलब्यका लागि समय दिएका थिए । साथै उनले प्रधानमन्त्रीलाई रोष्टममा पुग्न सहजीकरण गर्न मर्यादापालकलाई निर्देशन दिएका थिए । त्यसपछि प्रधानमन्त्रीले रोस्टममा पुगेर बिश्वासको मतको प्रस्ताव पेश गरेका थिए ।
