काठमाडौँ, १२ फागुन – गायक सञ्जीव खरेल नयाँ गीत लिएर पुन नेपाली सांगीतिक क्षेत्रमा फर्किएका छन्। खरेल २ वर्षपछि ‘बादल’ बोलको गीतको भिडियो सार्वजनिक गरेका हुन्। अस्ट्रेलियामा बसोबास गर्दै आएका खरेलले २ वर्षअघि आफ्नो पहिलो गीत सार्वजनिक गरेका थिए।
‘बादल’मा खरेलको एकल स्वर, शब्द र संगीत रहेको छ। यस गीतको एरेन्जमेन्ट गोपाल रसाइलीले गरेका हुन्। रमणीय वातावरणमा छायांकन गरिएको गीतको भिडियोलाई बुद्ध लामाले खिचेको हुन्।
त्यस्तै, भिडियो सम्पादन सुप्रीम पराजुलीले गरेका हुन्। श्रेया कार्की र अनुराग ठकुरीको अभिनय रहेको यो भिडियो अर्जुन तिवारी तथा अन्नपूर्ण फिल्म्स टिमको निर्देशनमा तयार गरिएको हो। गायक सञ्जीव खरेलको अफिसियल युट्युव च्यानलमार्फत यो भिडियो रिलिज गरिएकाे छ।
https://youtu.be/vH4HlYFiv8E
