टि–ट्वान्टी विश्वकप चलिरहँदा भारतीय क्रिकेट प्रशंसकहरुको लागि दुःखको खबर आएको छ ।
भारतीय टीमका पूर्व क्रिकेटर डेविड जॉनसनले आत्महत्या गरेका छन् । ५३ वर्षीय डेविड जॉनसनले बेंगलुरुमा आफ्नो घरको चौथो तल्लाबाट हाम फालेर आत्महत्या गरेका हुन् ।
यद्दपी उनले यस्तो कदम किन उठाए भन्नेबारेमा अहिलेसम्म कुनै जानकारी बाहिर आएको छैन । कर्नाटक राज्य क्रिकेट संघ (केएससीए) का एक अधिकारीले यसबारे जानकारी दिदै आफुँलाई डेविड बालकोनीबाट खसेको सुचना आएको बताएका छन् ।
घटनापश्चात डेविडलाई नजिकको अस्पतालमा लगिएको थियो । त्यहा चिकित्सकहरुले उनलाई मृत घोषणा गरेका हुन् । डेविडका एक श्रीमती र दुई सन्तान छन् ।
उनी घर नजिकै एउटा क्रिकेट एकेडेमी सञ्चालन गर्थे ।
डेविडले भारतीय टिमका लागि २ टेष्ट म्याच खेलेका थिए । जसमा उनले ३ विकेट र ८ रन हासिल गरेका थिए ।
