काठमाडौं – काठमाडौं तिनकुनेस्थित आईएसएमटी कलेजको दिक्षान्त समारोह सम्पन्न भएको छ। दरबारमार्गस्थित होटल याक एण्ड यतिमा आयोजित दिक्षान्त समारोहमा कलेजका ३ सय ९० जना विद्यार्थी दीक्षित भए।
बीबीए (बिजनेस एन्ड म्यानेजमेन्ट), बीएचएम, बीएस्सी आईटी (सीएसई) सकांयमा उत्तीर्ण विद्यार्थीलाई दीक्षित गरिएको हो। आईएसएमटी कलेज बेलायतको सन्डरल्यान्ड विश्वविद्यालयबाट सम्बन्धन प्राप्त कलेज हो।
कार्यक्रममा सन्डरल्यान्ड विश्वविद्यालयका उच्च तहका प्रतिनिधि, अविभावक लगायतको सहभागिता रहेको थियो । समारोहमा उत्कृष्ट नतिजा हासिल गर्ने विद्यार्थीहरूलाई युनिभर्सिटीले विशेष अवार्ड समेत प्रदान गरेको थियो । आईएसएमटी ग्रुपले काठमाडौं, चितवन, पोखरा, विराटनगर र बुटवलमा पनि सन्डरल्यान्ड विश्वविद्यालयकै सम्बन्धनमा कलेज सञ्चालन गरेको छ ।
