काठमाडौं - एनआईसी एसिया बैंकले आफ्नो स्वामित्वमा रहेको नेपाल इन्फ्रास्ट्रक्चर बैंक (निफ्रा) को १० लाख कित्ता संस्थापक सेयर लिलामी बिक्रीमा ल्याएको छ ।
सो सेयर खरिद गर्न इच्छुक व्यक्ति तथा संघसंस्थाहरुले साउन १५ गतेसम्म शिलबन्दी बोलपत्र आवेदन दिन सक्ने बिक्री प्रवन्धक एनआईसी एसिया क्यापिटलले सार्वजनिक सूचनामाफर्त जनाएको छ ।
सेयरको न्यूनतम मूल्य प्रतिकित्ता १०१ रुपैयाँ तोकिएको छ । न्यूनतम ५ हजार कित्ताका लागि आवेदन दिनुपर्नेछ भने अधिकतम १० लाख कित्ताकै लागि आवेदन दिन सकिनेछ ।
गत आर्थिक वर्षको वित्तीय विवरणअनुसार निफ्राको वार्षिक प्रतिसेयर आम्दानी ६ रुपैयाँ १६ पैसा छ । त्यस्तै प्रतिसेयर नेटवर्थ ११३ रुपैयाँ ७ पैसा छ । दोस्रो बजारबाट अन्तिम पटक यस बैंकको संस्थापक सेयर प्रतिकित्ता १११ रुपैयाँमा कारोबार भएको तथ्यांक छ ।
