काठमाडौं- बंगलादेशका सेना प्रमुख जनरल वकार उज(जमानले अन्तरिम सरकार बनाउने घोषणा गरेका छन्।
सरकारी रोजगारीमा रहेको आरक्षण (कोटा प्रणाली) को विरोधमा आन्दोलनरत विद्यार्थीहरूको आह्वानमा सोमबार हजारौं मानिस ढाकामा जम्मा भएका थिए। आन्दोलनकारीहरू प्रधानमन्त्री शेख हसिनाको सरकारी निवासतर्फ अगाडि बढेपछि हसिनाले राजीनामा दिँदै देश छाडेकी छन्।
सेना प्रमुखको पत्रकार सम्मेलन
हसिनाले देश छाडेको केहीबेरपछि सेना प्रमुख उज(जमानले पत्रकार सम्मेलन गर्दै अन्तरिम सरकार बनाउने बताएका हुन्। उनले अन्तरिम सरकार बनाउन राष्ट्रपतिसँगै विपक्षी दल र नागरिक समाजसँग संवाद गरेको बताए। तर, हसिनाको दल अवामी लिगको भने उनले नाम लिएनन्।
सुधार र कर्फ्यू
उज(जमानले साँझसम्म एउटा निकासमा पुग्ने आशा व्यक्त गर्दै भने, ‘अवस्थामा सुधार आयो भने कर्फ्यू आवश्यक हुन्न।’ उनले सबै जिम्मेवारी आफूले लिने भन्दै प्रदर्शनकारीलाई घर फर्किन आग्रह गरे। साथै, सुरक्षाकर्मीलाई गोली नचलाउन निर्देशन दिइसकेको जानकारी दिँदै भने, ‘देशलाई धेरै क्षति भयो, अर्थ व्यवस्था प्रभावित भयो, कयौं मानिस मारिए। मलाई आशा छ, यो सम्बोधनपछि अवस्थामा सुधार आउनेछ।
