सिन्धुपाल्चोक - जल तथा मौसम विज्ञान विभागको बाढी पूर्वानुमान केन्द्रले सिन्धुपाल्चोक जिल्लाको इन्द्रावती र मेलम्ची नदीमा बाढीको सम्भावना रहेको चेतावनी दिएको छ।
तटीय क्षेत्रका बासिन्दालाई सतर्कता
विभागले मानेखर्क, ढुंगे, तार्के घ्याङ, भोटाङ, बोल्दे, र गोबरे क्षेत्रमा सामान्यदेखि मध्यम वर्षा मापन भएको जानकारी दिँदै थप वर्षा हुन सक्ने सम्भावना रहेकोले तटीय क्षेत्रमा सतर्कता अपनाउन अनुरोध गरेको छ।
पछिल्लो वर्षा मापन
पछिल्लो २४ घन्टामा मेलम्ची घ्याङमा ४६.८ मिलिमिटर, ढुंगेमा ५१.२ मिलिमिटर, मानेखर्कमा ५३.४ मिलिमिटर, र गोबरेमा ४४.८ मिलिमिटर वर्षा मापन गरिएको छ।
