एटलेटिको म्याड्रिडले बुधबार राति ला लिगामा इस्पनयोलसँग गोलरहित बराबरी खेलेको छ। घरेलु मैदानमा भएको यो खेलमा एटलेटिकोले आफ्नो राम्रो प्रदर्शन गर्न नसक्दा निराशाजनक नतिजा बेहोर्नु परेको हो।
दोस्रो बराबरी
यो सिजन एटलेटिकोको दोस्रो बराबरी हो। तीन खेल खेलेर पाँच अंक मात्र बटुल्न सकेको एटलेटिकोले अझै आफ्नो गति पक्रन सकेको छैन। इस्पनयोलले भने लगातार दुई हारपछि यसपटक पहिलो पटक एक अंक जोड्न सफल भएको छ।
एलाभेसको पहिलो जित
अर्को खेलमा, डेपोर्टिभो एलाभेसले रियल सोसिडाडलाई २–१ ले हराएको छ। सोसिडाडले ब्राइस मेन्डेजको गोलमार्फत अग्रता लिए पनि एलाभेसका एसियर भिलिब्रे र टोनी मार्टिनेजले गोल गर्दै टोलीलाई जित दिलाए। यो एलाभेसको लिगमा पहिलो जित हो र यससँगै उसको चार अंक भएको छ।
