काठमाडौं - प्रधानमन्त्री केपी शर्मा ओलीले शुक्रबार काभ्रेको धुलिखेलमा काठमाडौं विश्वविद्यालयको दीक्षान्त समारोहमा सहभागी हुन हेलिकप्टर प्रयोग गरेका थिए।
प्राविधिक समस्याका कारण हेलिकप्टर परिवर्तन
प्रधानमन्त्री ओलीले काभ्रे जान प्रयोग गरेको नेपाली सेनाको एनए ०६७ हेलिकप्टरमा प्राविधिक समस्या देखा परेको सैनिक स्रोतले जानकारी दिएको छ। उक्त समस्याका कारण फर्किने क्रममा उनले नेपाली सेनाको अर्को एमआई १७ हेलिकप्टर प्रयोग गरेर काठमाडौं फर्किएका हुन्।
हेलिकप्टर प्रयोगको कारण
काठमाडौंबाट धुलिखेल जाने सडक हाल विस्तारको क्रममा रहेको छ। यस क्रममा सडकमा धेरै खाल्डाखुल्डी परेको हुँदा प्रधानमन्त्रीले हेलिकप्टर प्रयोग गर्ने निर्णय गरेका थिए।
