दावी: टेक्सासमा मुना पाण्डेको हत्यामा पक्राउ परेका बबी सिंह र मुनाबीच प्रेम सम्बन्ध थियो।
वास्तविकता: गलत। सामाजिक सञ्जालमा बबी सिंह र मुना पाण्डे प्रेम सम्बन्धमा रहेको भनेर चर्चा चलेको भए पनि यो पुष्टि गर्ने कुनै ठोस प्रमाण भेटिएको छैन।
मुख्य निष्कर्षहरू:
मुना पाण्डेको पूर्व प्रेमी: मुनाकी आमाले आफ्नी छोरीको हालै मात्र छुट्टिएको प्रेमी एक श्वेत अमेरिकी युवक भएको बताइन्, जसको उमेर २५ वर्षभन्दा कम थियो। मुनाले आफ्नो जन्मदिनको कार्यक्रममा जनवरीमा भेट भएको र उनीहरू प्रेम सम्बन्धमा रहेको कुरा आमा संग साझेदारी गरेकी थिइन्। परिवारिक स्रोतहरूले भने अनुसार, उनीहरूको सम्बन्धमा हालै समस्या आएको थियो।
शुगर ड्याडी वेबसाइटसँगको सम्बन्ध पुष्टि भएन: मुन पाण्डे र बबी सिंह शुगर ड्याडी वेबसाइटमा भेटेको भन्ने अफवाह भए पनि यो कुरा पुष्टि गर्ने कुनै ठोस प्रमाण छैन। केही मिडियाले उनीहरू २०१२ मा उक्त वेबसाइटमा भेटेको बताए पनि, त्यो समय मुना मात्र ९ वर्षकी थिइन्, जुन असम्भव छ। यी रिपोर्टहरू प्रमाणित भएका छैनन्।
डकैतीको उद्देश्य: प्रहरी अनुसन्धानले यो हत्या डकैतीको उद्देश्यले भएको संकेत गरेको छ। हत्याको रात मुनालाई कालो पर्स र अन्य सामान बोकेर हिंडेको भिडियो फुटेजमा देखिएको थियो, जबकि बबी सिंहलाई बन्दुकसहित देखिएको थियो। सिंहले बारम्बार पाण्डेलाई उनको अपार्टमेन्टको ढोका खोल्न भनेका थिए, अन्ततः उनलाई भित्र धकेलेर ढोका बन्द गरे। पछि सिंहलाई घटनास्थलबाट बाहिर निस्केको देखियो।
विरोधाभासी जानकारी: केही मिडियाले मुन पाण्डे र बबी सिंहबीच प्रेम सम्बन्ध रहेको रिपोर्ट गरेका छन्। तर, यी रिपोर्टहरू प्रमाणित नभएको र उनीहरूको प्रेम सम्बन्धको कुनै ठोस प्रमाण फेला परेको छैन।
नेपाली मूलको कुनै प्रमाण छैन: सामाजिक सञ्जालमा केही प्रयोगकर्ताहरूले बबी सिंहलाई नेपाली मूलको दाबी गरे पनि, यो प्रमाणित गर्ने कुनै आधार भेटिएको छैन। अदालतका रेकर्ड र अनुसन्धानले उनी भारतीय मूलका सिक्ख समुदायका हुन सक्ने देखाउँछ। नेपयोर्कको अनुसन्धानले उनको परिवार भारतीय मूलको सिक्ख समुदायसँग सम्बन्धित भएको संकेत गरेको छ।
शुगर ड्याडी वेबसाइटमा सक्रियता: बबी सिंह शुगर ड्याडी डेटिंग वेबसाइटमा सक्रिय थिए। ह्युस्टन प्रहरीले आक्रमणकारीको भिडियो फुटेज सार्वजनिक गरेपछि एक महिलाले उनलाई चिनिन् र उनले १२ वर्षअघि शुगर ड्याडी वेबसाइटमा सिंहलाई भेटेको बताइन्।
निष्कर्ष: उपलब्ध प्रमाणका आधारमा बबी सिंह मुन पाण्डेको प्रेमी रहेको दावी असत्य रहेको पुष्टि भएको छ। मुन पाण्डेको हत्याको अनुसन्धान जारी छ, र भविष्यमा थप जानकारीले बबी सिंहसँगको सम्बन्धको वास्तविकता उजागर गर्न सक्छ।
