हेटौंडा — मकवानपुरको बकैया खोलाले बगाएर बेपत्ता भएकी ३६ वर्षीया नानुमाया तितुङको शव सोमबार बारा कोल्हवी नगरपालिका-२ स्थित बकैया खोलाको किनारमा फेला परेको छ। जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले यसबारे जानकारी दिएका छन्।
खोला तर्ने क्रममा बगेर बेपत्ता
नानुमाया आइतबार बारा निजगढबाट घर फर्कने क्रममा बकैया खोला तर्ने बेला खोलाले बगाएर बेपत्ता भएकी थिइन्। आइतबारदेखि नै उनको खोजतलासमा आफन्त, स्थानीयवासी र प्रहरी लागेका थिए।
वैदेशिक रोजगारीमा जान लागेको छोराको विदाई
नानुमायाका छोरा छिरिङ तितुङ वैदेशिक रोजगारीका लागि साउदी जान लागेको बेला उनी श्रीमान् राजकुमार तितुङ र छोरासँग शनिबार निजगढ गएकी थिइन्। छोरालाई बिदाइ गरेर नानुमाया आइतबार बिहानै हिँडेरै घर फर्कने क्रममा बकैया खोलाले बगाएको थियो।
श्रीमान् र छोराको अवस्थाप्रति चिन्ता
श्रीमान् राजकुमार तितुङ पनि छोरो छिरिङलाई साउदी पठाउन काठमाडौं जान लागेको बेला कुकुरको टोकाइबाट घाइते भएका छन्। यस कारण निजगढमै अल्मलिएका राजकुमारले श्रीमतीलाई खोलाले बगाएको खबर पाए। छोराले आमालाई बगाएको खबर सुनेपछि साउदी पुग्दै गाउँ फर्केका छन्।
