जनकपुरधाम – मधेश प्रदेशका गृह सञ्चार तथा कानून मन्त्री राजकुमार लेखीले नेपाल र भारतको सीमा नाका भएर आवतजावत गर्ने आमनागरिकलाई कुनै प्रकारको दुःख कष्ट नहुने गरी सुरक्षा व्यवस्था कडा बनाउन निर्देशन दिएका छन्।
मंगलबार धनुषा जिल्लाको जटही नाकाको निरीक्षणका क्रममा मन्त्री लेखीले सीमा नाकामा सुरक्षा अधिकारीहरूलाई तस्करहरूभन्दा बढी आमनागरिकलाई सताउने घटनाका बारेमा जनगुनासो आएको उल्लेख गर्दै, नागरिकलाई दुःख नहुने गरी कार्य गर्न प्रतिबद्ध भएर काम गर्न निर्देशन दिएका हुन्।
भवन निर्माणको प्रतिबद्धता
मन्त्री लेखीले निरीक्षणका क्रममा सशस्त्र प्रहरी जवानहरूलाई बस्न र कामकाज गर्न समस्या रहेको कुरा उठाउँदै, उनीहरूको लागि भवन निर्माणका लागि पहल गर्ने प्रतिबद्धता व्यक्त गरे।
निरीक्षण टोलीको सहभागीता
मन्त्री लेखीसँगै गृहमन्त्रालयका सचिव बिरेन्द्र यादव, सशस्त्र प्रहरीका डिआइजी कालिदास धवजी, अनुसन्धानका डिआइजी माधव तिमिलसिना, र नेपाल प्रहरी तथा सशस्त्र प्रहरीका अन्य अधिकारीहरू पनि निरीक्षण टोलीमा सहभागी थिए। धनुषाका सशस्त्र प्रहरी उपरीक्षक दर्शन गिरीले नाकामा हुने चेकजाँच, आवतजावत, सवारी साधनबाट उठ्ने राजस्व, र नेपाल–भारत सीमा स्तम्भहरूबारे मन्त्री लेखीलाई जानकारी गराए।
मन्त्री लेखीले नागरिकको समस्या समाधान गर्न सरकारको पूर्ण प्रतिबद्धता रहेको स्पष्ट पारे।
