तनहुँ - व्यास नगरपालिका–१२ घाँसीकुवामा आज बिहान पहिरो जाँदा पृथ्वी राजमार्ग अवरुद्ध भएको छ। बिहीबार रातिदेखि परेको लगातारको वर्षाका कारण घाँसीकुवा–डुम्रे खण्डमा पहिरो गएको हो, जसले गर्दा यातायात पूर्ण रूपमा प्रभावित भएको छ।
पहिरो पन्छाउने काम जारी
लेदो सहितको पहिरोले सडक ढाकिएको हुँदा यातायात अवरुद्ध भएको छ। प्रहरीका अनुसार, पहिरो पन्छाउने काम भइरहेको छ र छिट्टै एकतर्फी सडक सञ्चालनमा ल्याउने प्रयास भइरहेको छ।
